L-Ikel u x-Xorb Tipiku Malti

Ħa tidħlu f'xi siti li jiddiskrivu l-ikel u x-xorb Malti, u ħa taraw ukoll l-importanza tal-promozzjoni ta' l-ikel Malti barra pajjiżna. Se tieħdu wkoll idea ta' ktieb Malti tar-riċetti. Sejrin taraw l-użu ta' l-ikel Malti fil-festi u f'attivitajiet folkloristiċi kif ukoll minn liema kċejjen barranin ġie affettwat l-ikel Malti.

Fl-aħħar, ħa jkollkom idea tajba dwar xiex jikkonsisti l-ikel u x-xorb Malti. Fi gruppi ta' erbgħa, sejrin timmaġinaw li se tiftħu ristorant li jservi ikel u xorb Malti. Tridu tagħżlu xi platti tipiċi Maltin li jogħġbukom, u se tagħmlu preżentazzjoni quddiem il-klassi billi tużaw ċarts u affarijiet oħra li jistgħu jsebbhulkom il-preżentazzjoni. Ma tkunx idea ħażina jekk forsi ġġibu ftit ikel Malti magħkom..ċerta li b'dan il-mod, l-istudenti l-oħra japprezzawha ħafna aktar il-preżentazzjoni tagħkom u jifhmu iżjed fuqiex qegħdin titkellmu!